5 patay sa van vs truck sa Samar

TACLOBAN CITY- Lima ang namatay habang tatlo ang nasugatan sa banggaan ng pampasaherong van at dump truck sa Sitio Ilawod Brgy. Naparaan Salcedo Eastern Samar kamakalawa.

Idineklarang dead on the spot ang limang sakay ng van na si Rhodora Garcia Pedrosa, mag-asawang sina Gilberto at Julita Labikani, at anak nilang si Jasmine at ang driver na kinilala lamang bilang si Peter.

Ayon kay Chief Inspector Sulpicio Habagat Sr., hepe ng Salcedo PNP, nangyari ang insidente habang ang pampasaherong van ay papunta sa siyudad ng Tacloban.

Samantala, patuloy na pinaghahanap ng mga awtoridad ang driver ng dump truck na si Felix Yang Yankera Sales, taga-Mindanao, iniwan ang nasabing truck sa Quinapondan, Eastern Samar.

Napag-alaman, ang truck ay gagamitin sana sa ginagawang proyekto ng Millenium Challenge.