8 estudyante sinampal, guro kalaboso

DAGUPAN CITY- Desididong magsampa ng kaso ang mga magulang ng apat sa walong estudyanteng sinampal ng kanilang guro sa isang paaralan sa Lungsod ng Urdaneta.

Batay sa salaysay ng mga magulang ng mga estudyante, nagsimulang magalit ang gurong si Madam Maricar Magtuto nang magkapikonan at magkasakitan ang mga mag-aaral sa isang aktibidad.

Dahil dito, ipinatawag ng guro ang walong Grade 9 students at binantaan saka inutusang sampalin ang isa’t isa.

Hindi pa nakuntento ang guro at siya na mismo ang sumampal sa mga biktima habang nakapikit at nakatalikod.

Sa ngayon, nakapiit na sa Urdaneta City Police Station ang naturang guro.