4 bagets arestado sa gang rape

CAGAYAN DE ORO CITY – Agad naaresto ng mga pulis ang apat menor de edad na lalaking itinuturong gang rape suspects sa isang kolehiyala sa Upper Carmen, Cagayan de Oro City, kahapon ng madaling araw.

Ang biktimang itinago sa pangalang Lalang ay kasalukuyang nilalapatan ng medikasyon makaraan halinhinang gahasain ng mga suspek.

Inihayag ni PO3 Eniego Obiosca ng Carmen Police Station, nakikipag-date ang biktima sa kanyang menor de edad na boyfriend nang atakehin ng mga suspek.

Iginapos ng mga suspek ang kasintahan ng biktima at halinhinan nilang ginahasa ang kolehiyala.

Samantala, itinanggi ng tatlo sa mga suspek na kasama silang humalay sa biktima.

Iginiit ng mga suspek na tanging taga-hawak lamang sila sa biktima habang ang isang alyas John-John lamang ang humalay sa kolehiyala.