7 minero arestado sa illegal mining sa CamNorte

NAGA CITY – Bagsak sa kulungan ang pitong mi-nero na naaktohan ng mga awtoridad habang ilegal na nagmimina sa Brgy. Benit, Labo, Camarines Norte kamakalawa.

Kinilala ang mga suspek na sina Crisanto Adelen, 62; Nelson Diaz, 55; Nick Binarao, 44; Reden Masaysay, 42; Harold Rafer, 35; Marcial Bermas, 35, at Ronald Rafer, 26.

Napag-alaman, naaktohan ng pinag-isang puwersa ng Regional Intelligence Division (RID) at PNP-Labo ang mga suspek na nagmimina nang walang sapat na permit at ilang dokumento mula sa DENR-MGB.

Nananatili sa kustodiya ng mga awtoridad ang mga suspek habang inihahanda ang kasong isasampa laban sa kanila.