Dalagita kinalikot ng amain

LUMULUHANG dumulog sa tanggapan ng pulisya ang isang 17-anyos dalagita kasama ang kanyang ina upang ipaaresto ang manyakis na amain makaraang kalikotin ang ari ng biktima habang natutulog kamakalawa ng gabi sa Navotas City.

Sa follow-up operation ng pulisya, agad nasakote ang suspek na kinilalang si Valiente Sanchez, 42, mangingisda, ng 177 Governor Pascual St., Pitong Gatang, Brgy. Sipac-Almacen ng nasabing lungsod, nahaharap sa kasong acts of lasciviousness in relation to R.A. 7610 (Child Abuse), nakapiit na sa detention cell ng Navotas City Police.

Batay sa ulat ni SPO2 Arlene Alverio, ng Women and Children Protection Desk (WCDP), dakong 11 p.m. nang maganap ang insidente sa loob ng kanilang bahay sa nasabing lugar.

Salaysay ng biktimang itinago sa pangalang May, maaga siyang nakatulog nang biglang magising nang maramdamang may kumakalikot sa kanyang ari.

Pagdilat ng kanyang mata, kitang-kita niya na sarap na sarap sa ginagawa ang amain na kinakasama ng kanyang inang itinago sa pangalang Mila.

Dahil dito, mabilis na bumangon ang dalagita at humingi ng tulong ngunit mabilis na tumakas ang suspek ngunit nadakip sa follow-up operation ng mga awtoridad.