Pick-up girl utas sa gang rape sa Gensan

GENERAL SANTOS CITY – Kompirmadong ginahasa ang pick-up girl na natagpuang patay sa likod ng isang banko sa Pioneer Avenue cor. P. Acharon Blvd. sa Lungsod ng Heneral Santos kamakalawa.

Ayon kay Dr. Antonietta Odi, medico legal officer, base sa resulta ng isinagawang post portem sa bangkay ng biktimang kinilalang si Rodalisa Bahuyo alyas Bulaylay, 36, residente ng Prk Kasilak, Silway, Brgy. Dadiangas West sa nasabing lungsod, may natagpuang mga semilya ng lalaki sa palibot ng kanyang pwerta.

Posible ring hindi lang iisang lalaki ang gumahasa sa biktima dahil sa dami ng nakitang semilya sa ari nito, mas marami kung ikokompara sa normal ejaculation ng isang lalaki.

Pinaniniwalaan ding pinalo nang matigas na bagay ang ulo, dahil sa nakitang dugo sa tainga at ilong ng biktima.

Tinututukang motibo ng mga pulisya ay trabaho ng biktima bilang pick-up girl bagama’t blangko pa kaugnay sa pagkakakilanlan ng mga suspek sa krimen.

Una rito, natagpuan ang bangkay ng biktima na tanging underwear na lamang ang suot at tinabunan ng gulong at basura.