13-anyos bebot minolestiya ng senglot

NAHIMASMASAN sa kulungan ang isang lasing na manyakis makaraang kaladkarin patungo sa himpilan ng pulisya ng ama ng 13-anyos dalagitang kanyang minolestiya sa Navotas City kahapon ng madaling-araw.

Kinilala ang suspek na si Anthony Lugtu, 35, padyak driver, residente ng Paltok St., Brgy. Tangos ng nasabing lungsod, nahaharap sa kasong acts of lasciviouness.

Batay sa ulat ni SPO2 Arlene Alvero, ng Women and Children Protection Desk ng Navotas City Police, dakong 2 a.m. nang maganap ang pagmolestiya ng suspek sa biktima sa bahay ng dalagita sa Roldan St., ng nasabing barangay.

Nauna rito, kainoman ng suspek si Michael, ang ama ng biktimang si Jane.

Nang malasing ay hindi na pinayagan ni Michael na umuwi si Lugtu at sa kanilang bahay na lamang pinatulog.

Ngunit pagkaraan, nagising na lamang ang biktima na nasa tabi niya ang suspek at kinakalikot ang kanyang kaselanan dahilan upang humingi ng tulong ang dalagita sa kanyang ama.

Bunsod nito, kinaladkad ni Michael si Lugtu patungo sa himpilan ng pulisya at sinampahan ng kaso.