Pagdilao new NCRPO chief

KINOMPORMA ni PNP chief , Director General Ricardo Marquez na si outgoing Quezon City Police District (QCPD) chief Joel Pagdilao ang napili bilang bagong commander ng National Capital Region Polcie Office (NCRPO) na binakante nang magretiro si Police Director Carmelo Valmoria.

Ngunit wala pang sinabing kapalit ni Pagdilao bilang hepe ng Quezon City police.

Pansamantala munang itatalaga bilang OIC chief ng QCPD si S/Supt. Danilo Bautista, ang deputy chief for administration, habang wala pang itinatalagang permanenteng hepe.

Si Pagdilao ay miyembro ng Philippine Military Academy (PMA) class of 1984.

Bago pa naging QCPD chief si Pagdilao, siya ay naging deputy chief ng QCPD.

Dahil sa ipinamalas na magandang performance sa kanyang trabaho partikular ang kampanya laban sa kriminalidad sa Quezon City kung kaya’t napili si Pagdilao na maging commander ng NCRPO.