Thursday , June 13 2024

INC para kay Bongbong

PORMAL nang inendoso ng Iglesia Ni Cristo (INC) sina Davao City Mayor at presidential candidate Rodrigo Duterte at Senator Ferdinand Bongbong Marcos Jr., na tumatakbo sa pagka-bise presidente.

 Inianunsiyo ito sa pamamagitan ng INC circular na binasa mismo ng kanilang executive minister na si Eduardo Manalo sa kanilang linggohang “worship service” kahapon.

“Ito ay base sa mga aral sa Biblia na itinuro sa atin bago pa tayo tinanggap bilang miyembro ng Iglesia Ni Cristo. Sumasampalataya tayo na itinuturo ng Diyos na hindi tayo dapat nagkahati-hati manapa tayo ay nararapat na nagkakaisa sa pag-iisip at pagpapasya,” ani Manalo.

Ayon sa executive minister, ibinase niya sa isang bahagi ng Biblia, sa 1 Corinthians 1:10 at Romans 15:6 na mahalaga umano ang iisang boses upang mapatatag ang kanilang samahan na isa sa mga turo ng Diyos.

“In the name of Jesus Christ, for the glory of God and for the sake of the church,” wika ni Manalo.

Sinabi ng ministro na ang sample ballot na naglalaman ng mga pangalan ng national at local candidates na iboboto ay ibibigay sa mga kapatiran bago ang botohan.

Nagsimula na ang mga aktibong kasapi ng Iglesia na i-post noon pang Miyerkoles ng gabi kung sino ang kanilang kandidato sa pagka-pangulo.

Walang komento ukol dito mula kina Duterte at Marcos, kahit si Marcos, na ang ama, ang diktador na si Ferdinand Marcos, ay nananatiling sinusuportahan ng sekta.

Una nang lumutang ang mga balita noong nakaraang linggo na si Marcos ang susuportahan ng INC pero agad itong itinanggi.

Nabatid na kilala ang INC sa bloc voting o pagboto sa isang partikular na kandidato base sa utos ng kanilang liderato.

Aabot sa 1.7 milyon ang miyembro ng INC sa buong bansa.

About jsy publishing

Check Also

Migz Zubiri Pope Francis

Pope Francis binulungan si Migz: Protektahan ang pamilyang Filipino

“PINAKIUSAPAN ako ni Pope Francis to ‘protect the family,’ at isasapuso ko ang sinabi niyang …

Imelda Papin PCSO

Imelda Papin kompiyansang maraming matutulungan sa kanyang Isang Linggong Serbisyo

SHOWBIZ KONEKni Maricris Valdez Nicasio KAHAPON ang unang araw ng OPM icon at Jukebox Queen Imelda …

shabu drug arrest

Tulak timbog sa Navotas buybust ops

ARESTADO ang isang lalaki na sinabing sangkot sa pagtutulak ng ilegal na droga matapos kumagat …

Pastor Quiboloy

Warrant of arrest isinilbi vs Quiboloy, 5 iba pa

NAGTUNGO ang Philippine National Police-Criminal Investigation and Detection Group (PNP-CIDG) at Special Action Force (SAF) …

Bagong Pilipinas Hymn

Hymn at pledge ng Bagong Pilipinas pang-Executive lang — SP Escudero

TAHASANG sinabi ni Senate President Francis “Chiz” Escudero na hindi maaring ipilit sa senado, sa …

Leave a Reply

Your email address will not be published. Required fields are marked *