Sunday , March 26 2023

Duterte duwag traidor (17 bank accounts buksan, Kapag hindi lumaban sa hamon ng GPPM)

HINAMON ng Grace Poe for President Movement (GPPM) – Cebu Chapter / ACT-CIS Party-list Regional Coordinator – Visayas si Davao City Mayor Rodrigo Duterte na buksan ang lahat ng kanyang 17 bank accounts kabilang ang kanyang dollar deposits at sumunod sa ginawang pagpapahintulot ni Senadora Grace Poe makaraang pumirma sa bank waiver upang magkaroon ng linaw at mawala ang pagdududa ng taumbayan.

“Hinahamon namin si Duterte dahil nag-isyu na ng waiver ang aming presidential candidate na si Grace Poe na maaari nang buksan ang kanyang bank accounts bilang tapat na pagpapakita ng transparency and honesty,” ayon kay Pastor Jun Maternal, Spokesperson ng Grace Poe for President Movement – Cebu Chapter.

“Binibigyan lamang namin si Duterte hanggang Biyernes, Mayo 6, upang makita ng taumbayan ang transaction history ng kanyang 17 bank accounts, kasama ang kanyang dollar deposits,” dagdag ng spokesperson.

Iginiit ni Maternal, bunga ng gagawing pagbubukas ng bank history ni Duterte na kayang-kayang gawin ng isang simpleng tao, mapapatunayan ni Duterte kung totoo ang mga sinasabi niya na mahirap lamang siya.

“Kung mapapatunayan talaga ni Duterte na tapat at malinis ang transaction history ng lahat ng kanyang bank accounts at mapapatotohanan niyang wala siyang ill-gotten wealth, tahasan naming tatalikuran si Grace Poe at susuportahan ang kanyang kandidatura patungo sa Malacañang. Papalitan namin ang aming headquarters mula kay Poe para kay Duterte sa sandaling napatunayan niya na mali ang aming ginawang paghahamon. At susundan pa ito ng lahat ng aming GP headquarters sa buong bansa,” matigas na sinabi ng pastor.

Kasabay nito, hinimok din ni Maternal ang lahat ng GPPM chapters sa buong bansa na makiisa sa kanilang Cebu chapter sa paggawa ng makasaysayang aksiyon laban kay Duterte.

“Hihintayin namin si Duterte na buksan ang lahat ng kanyang bank transaction records hanggang sa huling banking hours sa Biyernes. Kung mabibigo siyang gawin ang aming hamon, magkakasa kami ng matinding aksiyon at paiigtingin pa ang aming pakikipaglaban sa grabeng korupsiyon ni Duterte,” anang spokesperson.

“Ang hindi niya pagtugon sa aming hamon ng katapatan ay magpapatunay lamang na corrupt siya sa aming paningin at isang duwag at traidor sa pagtitiwala sa kanya ng mamamayang Filipino,” pagwawakas ni Maternal.

About jsy publishing

Check Also

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …

Mr Freeze Gerry Santos Ivy Ataya Joyce Selga

Mr Freeze BFF ng mga sikat sa showbiz

NAALIW kami kay Mr Gerry Santos aka Mr Freeze sa mediacon ng kanyang Negosyo Goals show sa AllTV na napapanood tuwing Linggo, 11:30 a.m.. Matatawag …

electricity meralco

Karapatan ng consumer mangingibabaw kontra prangkisa

IGINIIT ni Puwersa ng Bayaning Atleta partylist Rep. Margarita Nograles, ang kapakanan ng mga residente …

Bulacan Police PNP

Kampanya kontra krimen sa Bulacan
11 tulak, 2 wanted, 2 sugarol timbog

SUNOD-SUNOD na pinagdadampot ang 11 hinihinalang drug dealer, siyam na pinaghahanap ng batas, at dalawang …

Derek Ramsay Mr Freeze Gerry Santos

Mr Freeze pinatunayang ayaw na ni Derek sa showbiz: Enjoy siya sa pagiging family man

KINOMPIRMA ng kaibigan ni Derek Ramsay na si Mr Freeze Gerry Santos na ayaw na talaga ng aktor ang …

Leave a Reply