DINALAW ni Senator Ramon “Bong”Revilla, Jr., ang mahigit sa 200 pamilyang nasunugan sa Brgy. 5 at Brgy. 7, Cavite City upang maghatid ng tulong pinansiyal na nagkakahalaga ng P20,000 at personal na kumustahin ang kanilang kalagayan.
Ayon kay Revilla, “Dalangin nating malampasan ng bawat isa ang pagsubok na ito at makapagbagong simula ang minamahal nating mga Caviteño at Caviteña na nawalan ng mga ari-arian at tahanan dahil sa trahedyang ito.”
Lubos na pinasalamatan ni Mayor Denver Chua sina Senator Revilla, Jr., at Cong. Jolo Revilla dahil sa tulong pinansiyal sa kanyang mga kababayan na sa kabila ng trahedyang naranasan ay mayroon silang kababayang senador na karamay.
Nagpasalamat ang mga apektadong residente sa senador sa agarang tulong na kanilang natanggap.
Ayon kay Mrs. Analyn, “Kahit kailan, hinding-hindi kami iniiwan ni Senator Revilla. Kahit noon pa, kapag may problema, buong puso siyang bumababa upang kumustahin ang aming kalagayan.”
Sa mensahe ni Brgy. Chairman Archie Joaquin, nagtulong-tulong sila mula sa iba’t ibang barangay upang magbantay sa mga kababayan nilang nasa evacuation area.
Patuloy ang pagdating ng tulong mula kay Mayor Chua.
