Higit 100 estudyante naospital sa pampurga

MAHIGIT 100 estudyante ang isinugod sa ospital makaraan painomin ng gamot na pampurga o deworming tablets ng Department of Health (DOH) sa bayan ng Piñan, Zamboanga del Norte kahapon ng umaga.

Sinabi ni Piñan Mayor Jose I. Belleno, walang na-confine na estudyante mula sa Piñan Elementary School dahil pinauwi silang lahat.

Ayon sa ulat, nakaranas ng pananakit ng tiyan at pagsusuka ang mga estudyante, hindi dahil sa sira ang gamot kundi walang almusal ang mga biktima kaya’t hindi kinaya ang lakas ng gamot.

Una na rin nagpaalala ang DoH na huwag painomin ng gamot ang mga estudyante kung hindi pa kumakain dahil tiyak sasakit ang kanilang tiyan.