15-anyos binatilyo nagbigti

HINDI matanggap ng mga kaanak ang pagkamatay ng 15-anyos binatilyo na natagpuang nakabigti kahapon ng madaling-araw sa Caloocan City.

Kinilala ang biktimang si Bon Bryan Trinidad, residente  ng Block 15, Lot 7, Landasca St., Brgy. 28 ng nasabing lungsod.

Batay sa ulat ni PO2 Edgar Manapat, dakong 3:30 a.m. nang matagpuan ang bangkay ng biktima sa loob ng inuupahang bahay ng pamilya sa nasabing lugar.

Salaysay ng lolo ng biktima na si Cenon Monestrial, katabi niyang natulog ang apo ngunit dakong 2 a.m. nang maalimpungatan siya at napansing wala na sa tabi ang biktima.

Hinanap niya ang biktima hanggang matagpuang nakabigti ang apo.

Patuloy pang inaalam ng mga awtoridad kung walang naganap na foul play sa insidente.

Rommel Sales