Tuesday , March 11 2025
dead

Dadalaw sa GF natagpuan sa morgue

BANGKAY na nang matagpuan sa morgue ng mga magulang ang 21-anyos anak na lalaki na nagpaalam gamit ang kanilang kotse na dadalaw sa kasinta-han, sa Teresa, Rizal kamakalawa.

Sa ulat ng Rizal PNP, kinilala ang biktimang si Jimwell Ca-rigma, tricycle driver, at naka-tira sa Brgy. San Guillermo sa bayan ng Morong, lalawigan ng Rizal.

Sa pahayag ng ama na si Ronald Carigma, dakong 5:00 pm nitong Lunes, sinabi ng biktima na gagamitin niya ang pulang kotse upang dalawin ang nobya sa Teresa, Rizal.

Ngunit lumipas ang magdamag ay hindi umuwi ang biktima kaya’t nagpasya ang mga magulang na ipa-blotter sa pulisya ang insidente at sa kanilang paghahanap ay natagpuan nila ang anak sa isang morgue sa Antipolo City

Tadtad ng tama ng bala ng baril sa ulo at katawan ng biktima at may mga pasa, palatandaan na nanlaban sa mga suspek.

Habang ang kotse ay natagpuan sa Teresa Police Station na tadtad din ng tama ng bala at basag ang salamin sa unahang bahagi at may mga yapak ng paa ang mga upuan nito.

Isang saksi ang hawak ngayon ng pulisya, sinasabing nakakita sa tatlong lalaking pawang naka-bonnet at mga armado ng baril habang sakay ng isang kulay silver na kotse, na humarang sa sasakyan ng biktima.

Sinabi ng saksi, bumaba ang tatlong lalaki mula sa kanilang sasakyan at pilit hinatak palabas ang biktima mula sa kotse.
Masusing iniimbestigahan ng mga awtoridad ang insidente. (ED MORENO)

About Ed Moreno

Check Also

Jose Antonio Ejercito Goitia

Pag-angkin ng China sa Palawan binatikos ng partylist nominee

SUMIKLAB ang matinding batikos matapos kondenahin ni Dr. Jose Antonio Ejercito Goitia, Chairman Emeritus ng …

Taguig

Kandidatura ni Direk Lino Cayetano, nabulilyaso

SA DESISYONG ipinalabas ng Taguig Regional Trial Court (RTC) Branch 153 nitong 5 Marso 2025, …

Pasig City

Tserman inireklamo kay Mayor Vico dahil sa ‘illegal’ multi-purpose hall

NAGHAIN ng reklamo sa tanggapan ni Pasig City Mayor Vico Sotto ang isang kompanya laban …

031025 Hataw Frontpage

Ombudsman kinalampag ng SINAG, graft vs NFA officials pinamamadali

NANAWAGAN ang Samahang Industriya ng Agrikultura (SINAG) kay Ombudsman Samuel Martires na kanilang isapubliko ang …

Enrico Roque Pandi Bulacan

KASONG RAPE VS PANDI MAYOR IBINASURA  
Bogus na biktima buking

HATAW News Team IBINASURA ng Regional Trial Court Branch 121 ng Caloocan City ang inihain …

Leave a Reply

Your email address will not be published. Required fields are marked *