Impeachment vs Duterte Malabo — House Leader

BINALEWALA ni House Speaker Feliciano Belmonte ang posibilidad ng impeachment laban kay President-elect Rodrigo Duterte sa oras na maupo na sa puwesto.

Sinabi ni Belmonte, malabo ang impeachment kay Duterte kaya hindi ito dapat pagkaabalahang alalahanin ng bagong halal na pangulo.

Ayon sa outgoing speaker, ang ano mang isyu ng impeachment laban kay Duterte ay walang basehan.

Isa aniya siya sa mga nasa gitna ng ilang impeachment proceedings sa Kongreso at siya mismo ay makapagsasabi na mahirap at malabo itong magtagumpay laban sa bagong halal na presidente.

Nauna rito, si Duterte na ang nagsabi na hindi siya takot sa impeachment kaya itutuloy niya ang kanyang ipinangako sa taongbayan sino man ang masagasaan.