P.1-M ecstacy nasabat sa QC

UMAABOT sa P100,000 halaga ng party drug na “ecstacy” ang nakompiska ng pulisya sa buy-bust operation sa Quezon City, nitong Martes ng madaling-araw.

Nakuha ang 65 tableta ng droga mula sa hinihinalang drug pusher na sina Lilia Ong, 65, at Neil Songco, 47-anyos.

Hinihinalang gawain ng mga suspek ang magsuplay ng droga sa mga gimikan sa lungsod.

Tinatawag na “twin hearts” ang mga pulang tabletang nakompiska sa mga suspek. Isa itong uri ng ecstacy na sinasabing nakapagpapagana sa pakikipagtalik, at nagkakahalaga ng P1,500 kada piraso.

Iginiit ng mga suspek na ngayon lang sila nagbenta ng droga at lumang stock na nila ang ecstacy.

Aalamin ng mga awtoridad kung may mga personalidad na maaaring konektado sa mga suspek.