Mag-uutol dedbol sa sunog (Edad 16, 14, 11 at 9-anyos)

TACLOBAN CITY – Patay ang apat batang magkakapatid sa sunog sa isang bahay sa Brgy. 78, Marasbaras, sa siyudad ng Tacloban dakong 5 a.m. kahapon.

Kinilala ang mga biktimang sina Dan Jade Morales, 16; Glenn Mark Morales, 14; Glen Marie Morales, 11, at Gwyneth Morales, 9, pawang mga residente sa nasabing lugar.

Habang kinilala ang kanilang mga magulang na sina Glen at Maribel Morales.

Napag-alaman, mahimbing na natutulog ang magkakapatid sa second floor ng kanilang bahay na gawa sa light materials nang mangyari ang sunog.

Batay sa inisyal na report ng Bureau of Fire Protection (BFP), pinaniniwalaan na electrical faulty wiring ang naging dahilan nang nasabing sunog.

Kabilang din sa tinitingnang anggulo ang napabayaang rice cooker.

Nagpapatuloy pa rin ang imbestigasyon ng mga awtoridad sa insidente.