2 patay sa kagat, 23 nagka-rabies sa adobong aso

GENERAL SANTOS CITY – Inoobserbahan ng Municipal Health Office ang 23 katao na kumain sa karne ng asong nagpositibo sa rabies.

Ayon kay Alabel Municipal Health officer Dr. Renato Fabio, na-expose ang 23 sa prophylaxis rabies.

Pinagmulan ng rabies ang aso na kumagat at pumatay kay Kenneth John Kolino, 9, at Mario Moy, 51, mga residente ng Purok Molina, Alegria, Alabel, Sarangani.

Marso 1 nang kinagat si Kenneth at Marso 3 nang siya ay namatay habang ang kanyang lolo ay kinagat noong Abril 21 at pumanaw makaraan ang tatlong araw.