RATED R
ni Rommel Gonzales
MADALAS na tanong namin sa mga beterano o senior stars ay kung ano ang masasabi nila sa mga kabataang artista ngayon, ang mga Gen Z stars.
Isa sa nakapanayam namin kamakailan ay ang beteranang aktres na si Tessie Tomas, at tumatawang sagot niya ay, “Napakabigat ng mga tanong na ‘yan, ha?
“Siyempre ang nakikita ko ay napaka-gadget conscious nila, their attention is very limited.
“Therefore they have to be always told and guided na, ‘Huwag mo namang dalhin ang cellphone mo sa set’, ‘Mag-memorize ka naman’, Dibdibin mo naman’.”
May nasita na raw siyang batang artista.
“Mayroon na, roon sa ‘Dirty Linen’ noon.
“Alam mo ang maganda nakikinig sila because they respect me and they know that… you know, I am who I am because of my discipline.
“Discipline, commitment, kailangan nila, focus, focus.”
Ayaw niyang banggitin ang pangalan ng artistang tinutukoy niya.
“Huwag na. Ha! Ha! Ha! Lalaki!”
Samantala, bida si Tessie sa pelikulang Senior Moments mula sa A&S Production kasama sina Nova Villa at Noel Trinidad.
Ang pelikula ay mula sa panulat at direksiyon ni Neil ‘Buboy’ Tan.
