RATED R
ni Rommel Gonzales
HINDI nauubusan ng plot twists at shocking revelations ang high-rating GMA Prime series na Widows’ War.
Gabi-gabi pa ring naghuhulaan ang avid viewers sa mga misteryong bumabalot sa Palacios Estate. At ngayon, isa na namang mystery ang naganap matapos matagpuang patay si Peter (Brent Valdez). Ang theory ng maraming fans, si Jerico (Royce Cabrera) raw ang pumatay kay Peter matapos nakawin ang kanyang pagkatao bilang isang Palacios.
Pero ang lalong nagpapa-excite at nagpapagulo sa isip ng mga manonood, sino nga ba ang kasamang lalaki ni Aurora (Ms. Jean Garcia) sa kanyang secret room? Siya nga ba ang mastermind sa kaliwa’t kanang murder mystery?
Tutukan Lunes hanggang Biyernes, 8:50 p.m. sa GMA-7.
