Tuesday , July 5 2022
arrest, posas, fingerprints

Sa Biñan, Laguna
2 SUSPEK SA HOLDAP ARESTADO

NASUKOL sa isinagawang hot pursuit operation ang dalawang suspek na sangkot sa insidente ng robbery hold-up sa lungsod ng Biñan, lalawigan ng Laguna, nitong Huwebes, 2 Hunyo.

Sa ulat ni P/Col. Cecilio Ison, Jr., Acting Provincial Director ng Laguna PPO kay P/BGen. Antonio Yarra, Regional Director ng PRO4A PNP, kinilala ang mga suspek na sina Kenkhannamel Bati, 27 anyos, walang trabaho, residente sa Brgy. Tagapo, Sta. Rosa, Laguna; at Eljohn Espeleta, 25 anyos, mekaniko, residente sa Brgy. Malaban, Biñan, Laguna.

Personal na dumulog sa Biñan CPS ang biktimang kinilalang si Diana Rose Marquez at isinalaysay na habang hinihintay niya ang kanyang asawa dakong 2:40 am kahapon sa National Highway Almazora, Brgy. Canlalay, sa naturang lungsod, biglang sumulpot ang dalawang lalaking sakay ng itim na motorsiklong walang plate number, nakasuot ng itim na sando, puting face mask, at kulay kahel na helmet.

Nagdeklara ang mga suspek ng holdap habang nakatutok ang baril sa ulo ng biktima at puwersahang kinuha ang kanyang pitaka at cellphone saka tumakas patungong Brgy. San Vicente, sa lungsod.

Batay sa ulat, agad ipinag-utos ng hepe ng Biñan CPS na si P/Lt. Col. Jerry Corpuz ang pagkakasa ng hot pursuit operation.

Sa isinagawang operasyon, inilibot ng grupo ng Biñan CPS ang lugar at habang papalapit sa Capinpin St., Brgy. San Vicente, may napansin silang dalawang lalaking sakay ng motorsiklo na walang plate number at tumutugma sa pagsasalarawan ng biktima at kahina-hinalang gumagalaw sa lugar kaya pinababa sila ng mga pulis.

Nabigo ang mga suspek na magbigay ng mga dokumento ng baril at motorsiklo, hudyat para sila damputin.

Nakuha sa mga suspek ang isang baril, ilang cellphone, at ang motorsiklong walang plate number.

Nasa kustodiya ngayon ng Biñan CPS ang mga suspek habang inihahanda ang kasong Robbery Hold-up at paglabag sa RA 10591 o Comprehensive Firearms and Ammunition Regulation Act para sa referral sa City Prosecutor’s Office.

Pahayag ni P/Col. Ison, Jr., “Naging kapuri-puri ang aksiyon ng Binan CPS sa insidenteng ito sa tulong ng maagang pagre-report ng biktima sa pulisya tungkol sa insidente.

Sa katunayan, ayon sa mga suspek, may na-hold-up pa sila sa ibang lugar bago ang biktima at ang apat pang cellphone na narekober sa kanila ay nakuha ang mga suspek sa kanilang mga biktima sa San Pedro, Carmona, at Sta. Rosa.”

Ani P/BGen. Yarra, “Imbestigahan namin kung involved din ang mga suspek sa series of robbery incidents sa Biñan City at nearby areas. Nanawagan kami sa mga naging biktima ng suspek na nagtungo sa Binan CPS.” (BOY PALATINO)

About Boy Palatino

Check Also

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Malacañan

Family affair sa Palasyo
PARTY NG FIRST FAMILY ‘DI PERA NG GOBYERNO

WALANG gagamiting pondo ng bayan sa anomang party na idaraos ng First Family sa Malacañang, …

Bongbong Marcos BBM Imee Marcos

Sa pag-veto sa HB 7575
IMEE DESMAYADO
Pinagsasabong kaming magkapatid

ITO ang reaksiyon ni Senadora Imee Marcos matapos i-veto ng ni Pangulong Ferdinand Marcos, Jr., …

Bulacan Airport Special Economic Zone

Konstruksiyon ng airport sa Bulacan tuloy — Salceda

SA KABILA ng pag-veto ni Pangulong Ferdinand Marcos, Jr., sa House Bill 7575, tiniyak ni …

Ramon Zagala PSG Bongbong Marcos BBM

Non-PMAyer, DLSU PolSci graduate
UNANG PSG COMMANDER ITINALAGA NI MARCOS, JR

HINDI graduate ng Philippine Military Academy (PMA), sa halip ay sa De La Salle University …