Friday , March 29 2024
Lanao del Sur

Sa Lanao del Sur
POLL WATCHERS NA SINAKTAN NG MGA SUNDALO,  LUMANTAD NA

LUMANTAD at nanawagan ng hustisya ang mga poll watchers ng Lumbatan, Lanao del Sur makaraang masaktan sa naganap na agawan ng balota sa pagitan nila at ng 103rd Infantry Brigade kaugnay sa nakalipas na May 9 local and national elections.

Sa isinagawang press conference sa Quezn City, ipinakita ng poll watchers ang video, na makikita ang pang-aagaw ng mga miyembro ng Armed Forces of the Philippines (AFP) ng balota at ang pagpaputok ng baril, maging ang ilang beses na pagdunggol ng sasakyan sa lalaking pumipigil na huwag makuha ang balota.

Isinalaysay nila ang mga naganap noong araw ng halalan mula sa naganap na pagboto hanggang mauwi sa sakitan at agawan ng balota.

Ipinakita ng poll watchers na nakakuha ng zero vote ang kumakandidato sa pagka-alkalde na si Lominog Lao, Jr., sa mismong presinto kung saan siya bumoboto sampu ng kanyang pamilya.

Samantala, ayon sa kampo ni Lao Jr., sa pamamagitan ni Atty. Bayan Lao ay maghahain sila sa Commission on Elections (Comelec) ng “Petition for the annulment of election result in the 6 affected barangay o failure of election.”

Kabilang sa mga barangay na ito ang Pikutahan, Minunya, Tambac, Lunay, Ligue, at Magdata.

Matatandaang nagkatunggali sa pagka-alkalde ang magpinsan na sina incumbent Mayor Allan Lao at Lominog Lao, Jr., sa bayan ng Lumbatan, mayroong 21 barangay, tinatayang nasa 14,000 ang bilang ng botante.

Noong 11 Mayo ay iprinoklama sa kanyang tahanan si incumbent Mayor Allan Lao.

Kinuwestyon nila ang pagpayag ng Comelec na patakbuhin ang anak ni Mayor Allan Lao na si Aljayeed Lao sa pagka-bise-alkalde kahit edad 19-anyos lamang.

Dumalo sa pagtitipon sina Atty. Lao, mga poll watcher na sina Aliah Macabangkit, Sharon Umpara, Jahanisa Umpara, Jalpha Umpara, Rajib Mua, at

Mohammad Omar. (ALMAR DANGUILAN)

About Almar Danguilan

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …