Saturday , October 23 2021

PH team billiard player, 9 pa huli sa illegal gambling, lumabag sa health protocols

 
ARESTADO ang sinasabing miyembro ng Philippine Team Billiard Player kabilang ang siyam pa dahil sa pagsusugal at paglabag sa health protocols na ipinaiiral sa Barangay E. Rodriguez, Quezon City, nitong Linggo ng umaga.
 
Ang nadakip na miyembro ng PH team billiard player ay kinilalang si Edwin Dela Cruz, 30 anyos, binata, ng 30A Santalla St., Pasig City.
 
Kabilang sa mga naaresto sina Jesus Dacoro, 52, ng Gulod, Novaliches; Mark Anthony Querubin, 34, online seller, ng Purok 19 San Lorenzo Ruiz, San Roque, Antipolo City; Brian Bucio, 35, binata, Toktok driver ng Kayumanggi St., Barangka Drive, Mandaluyong City: Aevan Gonzal, 29, nurse attendant, binata, ng Binangonan Rizal; Batch Merch Obispo, 35, ng Binangonan Rizal; Jun Talosig, 46, ng Cubao QC; Norodin Cervantes, 38, driver, ng Upper Bicutan, Taguig City; Michael Ubaldo, 33, driver, ng Sitio De Asis Parañaque City, at Mark Lloyd San Pedro, 36, billiard player, binata ng Labao St., Ligid Tipal Taguig City,
 
Ayon sa Public Information Office ng Quezon City Police District (QCPD-PIO), dinakip ang mga nabanggit dakong 5:40 am nitong 9 May, sa Barwen Restobar sa No. 82 Mary Street, E. Rodriguez, Quezon City.
 
Sinabi sa report, nakatanggap ng impormasyon ang mga operatiba ng District Special Operation Unit (DSOU) ng QCPD hinggil sa reklamo ng illegal gambling activity sa lugar at paglabag sa health protocols.
 
Agad nagsagawa ng police operation ang mga tauhan ng DSOU sa pangunguna nina P/Maj. Sandie Caparroso, P/Lt. Ronnie Ereño, at P/Lt. Honey Besas at mga tauhan ng Cubao Police Station at dinakip ang mga suspek na naaktohang nagsusugal sa larong billiards, maliwanag na paglabag sa health protocols.
 
Nakapiit ang mga nadakip sa DSOU ng QCPD habang inihahanda ang kasong paglabag sa illegal gambling at health protocols laban sa mga suspek. (ALMAR DANGUILAN)
 
 
 

About Almar Danguilan

Check Also

Blind Item, Woman, man, gay

BF ni sikat na aktres boylet din ni batang matinee idol

ANO kaya ang sasabihin ng magaling at sikat na aktres kung makakarating sa kanya ang tsismis …

Aiko Best Supporting Actress sa 34th Star Awards for TV

Aiko Best Supporting Actress sa 34th Star Awards for TV

MA at PAni Rommel Placente ITINANGHAL na Best Supporting Actress si Aiko Melendez para sa mahusay niyang …

‘Party drugs’ distributor sa Bulacan, atbp., timbog sa Marikina

NAKOMPISKA ang may 103 piraso ng ‘ ecstasy ’ na tinatayang nagkakahalaga ng P185,400 mula …

Chest X-Ray

Mga empleyado ng Kapitolyo, PDLs sa Tanglaw sumailalim sa libreng TB screening, chest x-ray

SA LAYUNING mahanap ang mga may aktibong Tuberculosis (TB), maipalaganap ang kaalaman, at mabawasan ang …

6K paniki nasabat sa 4 lalaki (Sa San Miguel, Bulacan)

Sa San Miguel, Bulacan
6K PANIKI NASABAT SA 4 LALAKI

INARESTO ng pulisya ang apat na lalaking nahulihan ng mahigit 6,000 wrinkle-lipped bats o paniki …

Leave a Reply