Wednesday , October 27 2021

Nanay niregalohan ng ‘tingga’ sa ulo (Sa araw ng mga ina)

NILOOBAN ang bahay saka binaril sa ulo ang isang nanay ng hindi kilalang suspek habang abala ang marami sa pagdiriwang ng Mother’s Day sa Quezon City, nitong Linggo ng hapon.
 
Ang biktima ay kinilalang si Carlota Panugan Macatangay, 41 anyos, walang trabaho at nangungupahan sa Sito Militar, Barangay Bahay Toro, Quezon City.
 
Namatay noon din ang biktima dahil sa tama ng bala ng baril sa ulo.
 
Sa imbestigasyon ni P/SSgt. Julius Raz ng Criminal Investigation and Detection Unit ng Quezon City Police District (CIDU-QCPD), dakong 5:30 pm nitong 9 May, nang maganap ang pamamaril sa ikalawang palapag ng tahanan ng biktima.
 
Sa pahayag ng kaptibahay na si Eric Mabborang, nanonood siya noon ng telebisyon nang makarinig ng isang malakas na putok pero binalewala lamang.
 
Habang ang isa pang kapitbahay na kinilalang si Ailah Arellano ay nagkataong nagtungo sa bahay ng ginang upang maningil ng pautang, pero tumambad sa kaniya ang duguang katawan ng biktima na nakahandusay.
 
Sa takot ay agad tumakbo sa kanilang barangay si Arellano upang ireport ang pangyayari.
 
Nakasamsam ang Scene of the Crime Operatives (SOCO) team sa pamumuno ni P/Lt. John Agtarap ng isang basyo ng balang hindi pa batid kung anong kalibre ng baril.
 
Ayon kay Jason, mister ng biktima, wala umano siyang nalalaman na nakaaway ang kaniyang misis.
 
Masusing nagsasagawa ng imbestigasyon ang pulisya sa motibo ng krimen. (ALMAR DANGUILAN)

About Almar Danguilan

Check Also

Kim Molina, Jerald Napoles

KimJe inaatake ng nerbiyos sa swab in at swab out

SHOWBIZ KONEKni Maricris Valdez Nicasio SUNOD-SUNOD ang pelikula nina Jerald Napoles at Kim Molina sa Viva Films kaya naman sanay na sila sa …

politician candidate

Substitution rule ng kandidato isinusulong sa Senado

INIHAIN ni  Senador Win Gatchalian ang panukalang batas  na nagbabawal sa pagpapalit ng kandidatong nagdesisyong …

Pantawid Pasada Program, LTFRB, DBCC

Pantawid Pasada Program binuhay,
P1-B CASH AID SA 178K TSUPER IPINANGAKO

ISANG bilyong pisong cash aid ang ipamamahagi ng gobyerno sa 178,000 tsuper ng mga pampublikong …

102621 Hataw Frontpage

Hikayat sa DOH
BAKUNA SA ESTUDYANTE GAWING ‘MANDATORY’

MATAPOS  simulan ng pamahalaan ang pagbabakuna sa tinatatawag na ‘general population’ ng bansa, naniniwala si …

arrest, posas, fingerprints

Top 1 MWP ng Pasig, arestado sa CamSur

NADAKIP ng mga tauhan ng Eastern Police District (EPD) sa lalawigan ng Camarines Sur ang …

Leave a Reply