Monday , December 6 2021

Ferry terminal, itatayo sa Rizal (Para iwas trapik)

INILATAG na ang groundbreaking ceremony ng itatayong ferry terminal na uugnay sa Rizal at Makati upang maibsan ang mabigat na trapiko sa Metro Manila.

Tiniyak ito ni 2nd District Congressman Fidel Nograles upang mapabilis ang biyahe at inaasahang darami ang investor sa lalawigan ng Rizal.

Magmumula ang konstruksiyon ng terminal sa bayan ng Cardona at bahagi ito ng itatatag na Laguna Lake Ferry Network upang pabilisin ang biyahe ng mga Rizaleño mula Cardona patungong Guadalupe (Makati) Station.

Aniya, naunang iminungkahi noong Disyembre 2019 kay Secretary Arthur Tugade ng Department of Transportation (DoTr) ang proyekto at susunod na itatayo ang ferry terminal sa bayan ng Jala-Jala.

Ayon sa mambabatas, matagal na umanong reklamo ng mga Rizaleño ang maraming oras na ginugugol sa pagbagtas sa tradisyonal na ruta patungong Metro Manila at pabalik.

Naniniwala si Nogales na mainam na solusyon ang ferry service upang maiwasan ang buhol-buhol na trapiko.

Bukod sa iwas trapiko, matututukan din umano nang husto ang Laguna Lake dahil sa mga oportunidad na makukuha rito.

“Laguna Lake has many growth areas that could benefit all the areas along it,” dagdag ng Harvard trained-lawyer.

Hindi lang trapiko kundi maging sa disaster risk management tulad ng pagbaha sa Laguna Lake at turismo ay matutugunan din umano.

Hinimok din ni Nograles ang local government unit (LGUs) na nakapaligid sa laguna lake na magtayo ng ferry lines, sakali umanong fully operational na ito ay darami ang magnenegosyo sa lalawigan.

(EDWIN MORENO)

About Ed Moreno

Check Also

Sa Pasig
3 GINANG, 1 PA TIKLO SA DROGA

KALABOSO ang tatlong ginang at isang lalaki nang bentahan ng ilegal na droga ang tauhan …

Lolo, ginang, isa pa, nalambat sa buy bust

HULI ang tatlong tulak na hinihinalang drug personalities, kabilang ang isang lolo at ginang matapos …

PASKUHAN SA MAYNILA isko moreno

Hikayat ni Yorme
“PASKUHAN SA MAYNILA” BISITAHIN

INAANYAYAHAN ni Manila Mayor at presidential aspirant Francisco “Isko Moreno” Domagoso at ni Vice Mayor …

Cold Temperature

Pinakamalamig na temperatura naitala sa Baguio, NCR ngayong taon

INIHAYAG ng Philippine Atmospheric, Geophysical and Astronomical Services Administration (PAGASA) na naitala ang pinakamalamig na …

P500 500 Pesos

Suspek na 2 Chinese, Pinoy natakasan
MALAYSIAN KINIDNAP SA P500 RANSOM

SA KABILA ng limang daang pisong ransom money, natakasan pa rin ng Malaysian national ang …

Leave a Reply