Friday , October 29 2021

3 Koreano, 3 Pinoy tiklo sa shabu

110216-eleazar-korean-drugs-shabu
INIHARAP ni QCPD director, S/Supt. Guillermo Eleazar ang tatlong Koreano at tatlong Pinoy na naaresto sa anti-drug operations sa Rockwell East To¬wer, Brgy. Poblacion 1, Makati City. (ALEX MENDOZA)

TATLONG Koreano na nagpapatakbo ng isang drug mule syndicate, nagpapadala ng shabu sa Korea at Amerika, at tatlo pang Filipino na kasabwat ang naaresto ng mga operatiba ng Quezon City Police District (QCPD) sa isinagawang operasyon sa condominium sa Makati City.

Sa pulong balitaan, kinilala ni QCPD director, Sr. Supt. Guillermo Lorenzo T. Eleazar, ang mga dayuhang sina Bong Kho Laem alyas Mr. Kuo Chi Pui Wong, 49, ng South Korea,  nakatira sa Unit 4116, Rockwell East Tower, Brgy.  Poblacion, Makati City; Isaac Kho alyas Kiderk Kim Kook Jung Wung, 51, ng South Korea, Intel Officer ng National Intelligence  Service (NG), nakatira sa Rm. 705 Manansala Tower Hidalgo St., Poblacion, Makati City; at  Jintaek Lee, 42, negosyante, ng South Korea, nakatira  sa Unit 4116, One Rockwell East Tower, Brgy. Poblacion, Makati City.

Habang ang tatlong arestadong Filipino ay sina  Jaypee Soriano, 24, tubong Pangasinan, ng 31 San Juan Evangelista, Payatas, Quezon City; Arby Diaz alyas Arbeen Jhielen Diaz, 20, ng 1781 Int. 5, Narra St. Kahilom 1, Pandacan, Maynila, at Kathleen Nonato, 20, ng Blk. Lot 3, Casa Bonita Homes, Sitio Mendez, Quezon City.

Ayon kay Eleazar, nang magpositibo ang isang linggong surveillance laban sa mga suspek, agad kumuha ng search warrnt ang pulisya sa Quezon City Regional Trial Court.

Kahapon, dakong 12:30 am, armado ng search warrant mula kay Judge Bernelito Fernandez ng QCRTC Branch 97, nilusob ng mga tauhan ng DSOU at DAID ang hideout ng mga suspek sa 4116 Rockwell East Tower, Brgy. Poblacion, Makati City na nagresulta sa pagkaaresto sa mga suspek.

Nakompiska mula sa mga suspek ang iba’t ibang klase ng baril, shabu na nakasilid sa expanded envelop, nakatakdang ipadala sa Korea at Amerika; mga drug paraphernalia at cellphones.

Samantala, nasugatan sa operasyon si Sr. Insp. Paterno Domondon nang tagain ng samurai ang kamay niya habang pilit na inaabot ang lock ng pintuan para mabuksan at makapasok sa hideout ng mga Koreano.

Ligtas na si Domondon na agad dinala sa ospital sa Kampo Crame.

( ALMAR DANGUILAN )

About Almar Danguilan

Check Also

Walang suot na face mask
2 KALABOSO SA P.4-M SHABU SA KANKALOO

IPINAHAMAK ang dalawang tulak dahil sa katigasan ng ulong ayaw magsuot ng face mask nang …

Kahit inilaglag si Colmenares sa senatorial slate
KOOPERASYON NG MAKABAYAN SA LENI-KIKO CAMPAIGN TULOY

IPAGPAPATULOY ng Makabayan coalition ang kooperasyon sa kampanya ng tambalan nina Vice President Leni Robredo …

102721 Hataw Frontpage

Isko sa IATF:
ASUNTO VS DENR EXECS SA DOLOMITE BEACH ‘SUPERSPREADER’ EVENT

ni ROSE NOVENARIO NANAWAGAN si Manila Mayor Francisco “Isko” Moreno” Domogoso sa Inter-Agency Task Force …

Rosanna Ria Vergara

NE Rep. Vergara Filipino citizen — Supreme Court

NAGPAHAYAG ng pasasalamat si Rep. Rosanna “Ria” Vergara ng Ikatlong Distrito ng Nueva Ecija sa …

Fire Vegetables, Sunog Gulay

P360-M puslit na gulay sinunog sa Pampanga

SINIRA at sinunog ng mga awtoridad ang may 60 container shipment na puno ng mga …

Leave a Reply