Tuesday , February 7 2023

El Shaddai kay Bongbong

MATAPOS makuha ang suporta ng Iglesia Ni Cristo (INC), ang El Shaddai naman ang nagpahayag ng endoso kay vice presidential candidate Senador Ferdinand “Bongbong” Marcos Jr.

Kinompirma ito ngayon ni Willie Villarama, political adviser ng El Shaddai at sinabing si Bongbong ang iniendoso ng grupo nila bilang pangalawang pangulo.

Aniya, 95 percent ng miyembro ng El Shaddai ang pumili kay Bongbong sa survey na ginawa nila noong nakaraang Sabado pagkatapos ng kanilang prayer vigil sa Amvel, Parañaque. Nagpakita rin si Villarama ng sample ballot ng grupo.

Walang inendoso ng El Shaddai sa pangulo dahil masyado umanong dikit-dikit ang naging botohan.

“Si Bongbong talaga ang may nakalululang suporta ng mga miyembro ng El Shaddai,” ani Villarama.

Una rito, sinabi ni Buhay Cong. Lito Atienza na nagsabing si Bongbong Marcos ang napili ng buong grupo at ni El Shaddai leader na si Bro. Mike Velarde. Siya rin mismo ay personal na sumusuporta kay Bongbong bilang bise presidente.

Ang Buhay ay party-list ng El Shaddai. Mayroong walong milyong miyembro sa iba’t ibang parte ng mundo. Si Marcos lamang sa lahat ng kumakandidatong bise presidente ang ipinakilala ni Velarde sa mga dumalo sa Amvel noong Sabado.

Kasama ni Marcos sina Vice President Jejomar Binay at Senador Grace Poe.

Malugod na sinalubong si Marcos sa Amvel at marami sa kanila ang nagsabing siya ang napiling kandidato ni Velarde bilang bise presidente.

Matatandaang si Bongbong din ang pinili ng INC bilang bise president kasama ni Davao City Mayor Rodrigo Duterte.

About Hataw News Team

Check Also

Illegal mining ops sa Sibuyan ipinatigil

Illegal mining ops sa Sibuyan ipinatigil

MATAPOS magkaroon ng sagupaan sa pagitan ng mga pulis at mga residente ng Isla ng …

Bulacan Police PNP

11 pasaway sa Bulacan nalambat

MAGKAKASUNOD na nadakip ng mga awtoridad ang 11 indibidwal na pawang may paglabag sa batas …

Bulacan Blas Ople Daniel Fernando Alexis Castro Toots Ople

Sa kanyang ika-96 kaarawan
GAT BLAS F. OPLE MULING GINUNITA SA MGA MENSAHENG TAGOS MULA SA PUSO

“HUWAG mahalin ang posisyon kundi ang tao, at laging mahalin ang bansa bago ang sarili.” …

Bulacan Blas Ople Job

Alay sa mga Bulakenyo
JOB FAIR, MEDICAL MISSION IDINAOS BILANG PARANGAL SA ARAW NI GAT BLAS OPLE

BILANG bahagi ng pagpupugay sa ika-96 anibersaryo ng kapanganakan ni Gat Blas F. Ople, nagsagawa …

Arrest Posas Handcuff

Rank 8 most wanted person ng Nueva Ecija, huli sa Vale

NAGWAKAS ang pagtatago sa batas ng isang lalakingnakalistang rank no. 8 most wanted person (MWP) …

Leave a Reply