Friday , March 29 2024

Ngitngit ng Caloocan ibinuhos vs ‘gintong’ basurahan (Recom lagot)

“ISANG sistematikong pagnanakaw sa pera ng bayan ang naganap sa siyam na taong panunungkulan ni Enrico “Recom” Echiverri bilang mayor ng Caloocan.”

Ito ang madamdaming pahayag ni Perla Madayag, Presidente ng Homeowners Association (HOA) ng Brgy. 68, bilang reaksiyon sa nabunyag na paglalabas ng decision ng Commission on Audit (CoA) na ilegal ang P81.9 milyong ipinalabas na pondo ni Echiverri, noong siya pa ang mayor ng Caloocan City, na bahagi nito ang pagbili ng P29,600 bawat isang plastic na basurahan.

Sa nilagdaang desisyon ni Sabiniano G. Cabatuan, Director IV ng COA, na ipinalabas noong April 24, 2015, ipinasasauli kay Recom at iba pang sangkot sa anomalya ang P81.9 milyon, na ilegal na ginastos mula sa kabang-yaman ng Caloocan, kasama na rito ang P5.5 milyon na ipinambili ng mga basurahan.

“Hindi ako nakatulog noong malaman kong P29,600 pala ang presyo ng basurahan na may sticker ni Recom, na nasa harapan ng aming barangay hall. Libo-libong beses na pinatungan, napakagarapal no’n,” ayon kay Manuel Degana, presidente ng Tricycle Operators and Drivers Association (TODA) ng Brgy 182.

Inihayag ni Carolina de Leon, Presidente ng Senior Citizens’ Association ng Libis-Baesa, na silang matatanda ay nagtiis na walang naibigay na tulong ng administrasyon ni Recom noon, pero laking hinanakit niya nang malaman niyang winawaldas pala ang pera ng lungsod sa overpriced na binibiling gamit para makapangurakot.

Matatandaan na ang kasong ito ay iniakyat ni Carolina Cruz, sa Ombudsman noong Nobyembre 23, 2015, bilang kasong kriminal na Malversation of Public Funds, Falsification of Public Documents, at kasong administratibong “grave misconduct, laban kay Echiverri at iba pa.

Hindi umano makapaniwala si Cruz na kahit na pinigilan si Recom ng CoA na bilhin ang mga ‘mala-gintong’ basurahan, ay ipinilit pa rin niyang magpalabas ng P5.5 milyon na pondo para ipambayad umano sa mga basurahan.

“Hindi ko bibilhin ng P500 ang plastic na basurahan na ‘yan pero si Recom ay nagbayad ng P29,600 bawat isa. Ito ang style ng pangungurakot nila sa kabang-yaman ng bayan. May karapatan akong magreklamo dahil taxpayer ako ng Caloocan at kasama ang pera ko sa kinukurakot nila,” pahayag ni Cruz sa media.

“Matibay ang aking ebidensiya sa paglulustay ni Recom ng pera ng bayan, at nakatitiyak ako na makukulong siya,” ayon kay Cruz.

“Nagkalakas-loob akong magsampa ng kaso dahil naglabas na ng desisyon ang COA na ito ay ilegal. Hindi ito tungkol sa politika dahil Nobyembre 2015 ko pa ito isinampa sa Ombudsman, at ang desisyon ng COA na ilegal ito ay ipinalabas noon pang Abril 24, 2015,” dagdag ni Cruz.

About Hataw News Team

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *