Saturday , January 28 2023

Kotong, towing tablado kay Lim (Tiniyak ng alkalde)

‘WALA nang towing, wala nang kotong.’

Ito ang tiniyak kahapon ng nagbabalik na alkalde ng Maynila Alfredo S. Lim sa mga tricycle, pedicab at jeepney drivers sa lungsod, nang siya ay magsagawa ng house-to-house campaign sa Tambunting area sa ikatlong distrito ng lungsod, matapos makatanggap ng reklamo ukol sa mga problemang kinakaharap ng mga nasabing drivers sa Maynila.

Partikular na inireklamo ng tricycle drivers ang mga tauhan umano ng  Manila Tricycle Regulatory Office (MTRO) na anila ay sinisingil sila ng hindi bababa sa P500 para sa pinakasimpleng traffic violation at ni hindi naman sila umano iniisyuhan ng resibo pagkaabot nila ng pera.

Sa kaso ng mga miyembro ng Tricycle Operators and Drivers’ Association (TODA), puwersahan umanong ipinalalagay sa kanilang mga unit ang tarpaulin lamang ni dating President Joseph Estrada, sa ilalim ng banta na ito-tow ang kanilang unit. Napag-alaman na ang tubos sa isang unit na na-tow ay ‘di bababa sa P1,500.

”Sa kanya ang tarpaulin, pero sa ‘yo ang boto namin!” anang tricycle drivers kay Lim, na nangako namang bibigyang-kalutasan ang mga nasabing problema sa kanyang pagbabalik sa City Hall.  Aniya, ang towing ay para lamang sa mga sasakyang nasiraan sa daan.

Sinabi ni Lim, sa oras na nakabalik na siya bilang mayor, agad siyang magpapatawag ng pulong sa public utility drivers upang malaman kung ano ang kanilang problema at upang maplantsa ang agarang solusyon upang gumaan ang kanilang paghahanapbuhay.

About Hataw News Team

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Leave a Reply