Ex ni Alma Moreno, driver sugatan sa ambush sa CDO

CAGAYAN DE ORO – Sugatan si Marawi City Mayor Fahad “Pre” Salic, dating asawa ng aktres senatorial  candidate na si Alma Moreno, at ang kanyang driver nang pagbabarilin ng armadong kalalakihan ang kanilang sasakyan sa Brgy. Carmen, Cagayan de Oro City dakong 2 a.m. nitong Sabado.

Si Salic at ang kanyang driver ay lulan ng kanilang sasakyan malapit sa Pryce Plaza Hotel nang pagbabarilin ng mga suspek lulan ng isang kotse.

Mabilis na tumakas ang mga suspek makaraan ang pamamaril.

Si Salic ay tumatakbo bilang gobernador sa Lanao del Sur.