Grade 4 pupil nadapa sa iskul, patay

VIGAN CITY – Binawian ng buhay ang isang Grade 4 pupil ng Guimod Elementary School sa Bantay, Ilocos Sur makaraang madapa sa loob ng nasabing paaralan.

Ang biktima ay kinilalang si Jilian Dadap residente ng Guimod, Bantay.

Ayon sa impormasyon, tumatakbo ang bata sa playground nang madapa sa mabatong bahagi at tumama ang dibdib sa batuhan na naging dahilan nang pagsusuka.

Naitakbo pa sa ospital ang bata ngunit pagkaraan ng ilang araw ay binawian ng buhay.

Palaisipan sa pamilya ng biktima kung bakit nasa labas pa ang mga bata nang mangyari ang insidente dahil oras na iyon ng klase.

Paniwala ng ina, may pagkukulang at pananagutan ang nasabing paaralan sa insidente.