1 yr. old baby nahulog, patay (Pick-up inakyat)

DAGUPAN CITY – Agad binawian ng buhay ang isang -taon gulang na sanggol nang mahulog sa inakyat niyang pick-up na sasakyan sa bayan ng Bayambang kamakalawa.

Labis ang hinagpis ng mga kaanak ng biktimang si John Carlo Cayabyan, residente ng Brgy. Darawey sa nasabing bayan.

Batay sa imbestigasyon, naglalaro ang biktima sa gilid ng kalsada nang mapansin ang nakaparadang sasakyan sa lugar na kanyang inakyat.

Hindi ito napansin ng driver ng sasakyan na si Butch Briones, 33-anyos, residente ng Brgy. San Vicente sa parehong bayan, kaya kanya itong pinaandar.

Huli na nang malaman niyang nahulog na pala ang sanggol sa sasakyan na dumanas nang matinding pinsala sa katawan partikular sa kanyang ulo.

Naisugod pa sa pagamutan si John Carlo ngunit idineklarang dead on arrival.