PNoy nagpatawag ng pulong sa tensiyon ng Saudi vs Iran

IPINATAWAG ni Pangulong Benigno “Noynoy” Aquino III ang kaukulang ahensiya ng pamahalaan kaugnay sa tensiyon sa Middle East.

Magugunitang napaaga rin ang pagbaba ni Pangulong Aquino mula sa Baguio City dahil sa girian ng Iran at Saudi Arabia.

Nababahala raw si Pangulong Aquino sa kalagayan ng dalawang milyong Filipino sa Middle East na maaaring maipit sa kaguluhan.

Kaya ipinatawag niya dakong 2 p.m. kahapon ang mga opisyal ng DFA at iba pang ahensiya para tiyaking nakahanda ang contingency measures sakaling lumala ang tensiyon.

Hindi pa nagtataas ng alert level ang DFA kaugnay ng situwasyon sa Middle East.