Militante nag-rally sa SSS, pension hike inihirit

NAGKILOS-PROTESTA sa punong tanggapan ng Social Security System (SSS) sa Quezon City ang ilang militante, nitong Martes ng umaga.

Sa pangunguna ng Kilusang Mayo Uno at Bayan Muna, ipinanawagan ng mga militante na pirmahan na ni Pangulong Benigno Aquino III ang P2,000 across the board SSS pension hike.

Pasado na sa Kongreso ang naturang panukala noong Hunyo.

Ipinasa na rin ito ng Senado nitong Nobyembre, taon 2015. 

Hirit ng mga militante ngayon na pirmahan na ng Pangulo ang panukala.

Sa bangketa lamang nagdaos ng programa ang mga militante kaya walang pagsisikip sa daan.

Kusa rin silang umalis makaraan magsagawa ng programa.