Bagets tinaga sa sayawan, kritikal

NAGA CITY – Kritikal ang kalagayan ng isang menor de edad makaraang pagtatagain habang nasa sayawan sa San Narciso, Quezon kamakalawa.

Kinilala ang suspek sa pa-ngalang Regie, residente ng nasabi ng bayan.

Napag-alaman, sa kasagsagan ng sayawan ay nakita ng biktimang si Jhon Yaon, 17-anyos, na habang sumasayaw ang suspek ay nakabigkis sa beywang ang isang itak.

Nilapitan ng biktima ang suspek at sinita na bawal ang itak sa naturang sayawan.

Dahil dito, nagalit ang suspek at hinugot ang kanyang dalang itak.

Nang nakatalikod na ang biktima ay tinaga siya ng suspek sa kanyang likuran at pagkaraan ay mabilis na tumakas.