DPWH official sa Kalinga utas sa boga

 TUGUEGARAO CITY – Patay sa pamamaril ng hindi pa matukoy na suspek ang isang opisyal ng Department of Public Works and Highways (DPWH) habang sakay ng kanyang motorsiklo sa Sitio Dinacan, Brgy. Dangoy, sa bayan ng Lubuagan, Kalinga kamakalawa.

Ayon kay Kalinga PNP spokesman, Chief Insp. Jomarick Felina, natagpuan sa gitna ng highway ng mga motorista ang nakabulagta at naghihingalong si Engr. Damian Canao Jr., project engineer ng DPWH Kalinga.

Isinugod ng mga motorista sa Kalinga District Hospital ang biktima ngunit hindi na umabot nang buhay dahil sa limang tama ng bala sa iba’t ibang bahagi ng katawan.

Patuloy ang isinasagawang imbestigasyon ng mga awtoridad sa insidente.