Junior ni Fariñas patay (Motorsiklo sumalpok)

PATAY ang bunsong anak ni Ilocos Norte Rep. Rodolfo “Rudy” Fariñas nang maaksidente sa Bacarra, Ilocos Norte, dakong 5 a.m. kahapon.

Kinilala ang biktimang si Rodolfo Farinas Jr., dati ring Sangguniang Kabataan president ng Ilocos Norte, idineklarang dead on arrival sa isang ospital sa Laoag City.

Ayon sa mga awtoridad, sakay ng motorsiklo si Fariñas nang sumalpok sa isang concrete barrier sa national highway ng Brgy. Buyon.

Sa lakas ng pagkakabangga, tumilapon ang biktima at nasunog ang kanyang motorsiklo.

Sinasabing biglang huminto ang sinusundang truck ng biktima kaya’t iniwasan niya ito ngunit nawalan ng kontrol si Fariñas sa motorsiklo kaya bumangga sa concrete barrier.

Sa ngayon, patuloy ang imbestigasyon ng pulisya sa insidente.