Presscon pinalagan ng Ortega Family

Pumalag ang pamilya Ortega hinggil sa isinagawang press conference ng magkapatid na Joel at Mario Reyes, itinuturong suspek sa pagpatay sa environmentalist at broadscaster na si Gerry Ortega.

Kinuwestiyon ng biyuda ni Ortega na si Patty ang isinagawang presscon ng magkapatid dahil ipinagbabawal sa batas ang pagsasagawa ng presscon ng mga suspek.

Inirereklamo ni Patty Ortega ang Jail Warden ng Puerto Princesa City Jail na si Senior Inspector Don Paredes, pumayag na magkaroon ng presscon ang Reyes brothers.

Sa kabilang dako, nagalit si Justice Secretary Leila De Lima nang mabatid na nagkaroon ng presscon ang Reyes brothers habang nakakulong sila.

Habang hindi pabor si De Lima na isailalim sa hospital arrest ang magkapatid na Reyes.

Pahayag ni De Lima, walang basehan para isailalim sa hospital detention ang Reyes brothers.