P2 sa oil price hike

NAGPATUPAD ang ilang kompanya ng petrolyo ng bigtime price hike kahapon.

Bandang 12:01 a.m. nagpatupad ang Shell at Seaoil ng parehong taas presyo.

Aabot ang dagdag-singil ng gasolina sa P1.75 kada litro, P1.95 sa kada litro ng diesel at P1.85 sa kerosene.

Ang Petron ay nagpatupad ng parehong price increase bandang 6 a.m.

Ang Phoenix Petroleum, PTT at Total ay magkakaroon din ng parehong adjustment ngunit sa diesel at gasolina lamang.

Sa parehong oras, ipatutupad din ng Eastern Petroleum Corp. ang P1.90 na taas presyo sa kada litro ng gasolina at P1.70 sa diesel.

Hinihintay ang anunsiyo ng ilang kompanya kung magpapatupad din ng price hike.