Driver tinodas sa carwash

PATAY ang isang driver makaraan pagbabarilin ng dalawa sa tatlong hindi nakilalang suspek habang naghihintay na ma-carwash ang minamanehong truck sa Malabon City kahapon ng umaga.

Agad binawian ng buhay ang biktimang si Juanito Mabini, 56, driver ng Ludy Cruz Chicken Dealer, at residente ng Flovi Homes 6, Brgy. Tonsuya ng lungsod, sanhi ng mga tama ng bala ng kalibre .45 baril sa iba’t ibang bahagi ng katawan.

Iniutos ni S/Supt. Severino Abad, hepe ng Malabon Police, ang manhunt operation laban sa tatlong suspek na naglakad lamang papasok sa Kadima Letre ng nasabing barangay makaraan ang pamamaril.

Sa ulat ni PO3 Rommel Habig, dakong 6:30 a.m. nang maganap ang insidente sa isang carwash station sa P. Aquino Ave., kanto ng Pinagsabugan St., Brgy. Longos. 

Rommel Sales