BLIND ITEM: Aktor nadesmaya, maunahan ni Sr. Matinee Idol kay Male Model

AMINADO ang isang “not so young” male star na gay, na type na type niya ang isang poging male model na sikat din sa social media.

Talagang gumawa siya ng paraan para makilala iyon. Nagkaroon naman siya ng pagkakataon nang isama siya ng isang kaibigan niya sa isang photo shoot na kasama ang crush niyang male model. Pero nang matatapos na ang shoot at yayayain na sana nilang lumabas ang poging male model, sabay dating naman ng isang mas senior na matinee idol na gay din at sinusundo ang poging model. Boyfriend na pala ng senior matinee idol na gay ang poging model na pantasya niya.

“Sobra na siya. Lahat na lang ng pogi sa kanya,” sabi raw ng desmayadong gay male star.

Ilang beses na rin daw kasing nagkakatapat ang dalawa, at mukhang nagkakapareho sila ng mga type nilang lalaki. Pero siyempre ang mas senior na gay matinee idol ang laging nagwawagi, dahil mas sikat iyon, mas may hitsura, at mas madatung namang ‘di hamak kaysa mas batang gay male star.