Saturday , March 25 2023

Shabu sa parking lot ng supermarket galing Bilibid (Sa SJDM, Bulacan)

PINANINIWALAANG galing sa National Bilibid Prison (NBP) ang nakompiskang shabu mula sa dalawang drug peddlers na nadakip sa isang parking lot sa lungsod ng San Jose del Monte, sa lalawigan ng Bulacan, nitong Linggo ng gabi, 25 Hulyo.

Sa magkatuwang na buy bust operation na ikinasa ng mga operatiba ng PDEA DEG SOU-4B at San Jose Del Monte City Police Station (CPS), naaresto sa parking lot ng isang supermarket sa Gaya-Gaya Road, Brgy. Muzon, sa naturang lungsod, sina Marlon Abarca, alyas Jay, 31 anyos, residente sa Unit 2, Pagri Hills, Brgy. Mayamot; at Ron Mark Reyes, 36 anyos, technician, residente sa Brgy. Cupang, pawang sa lungsod ng Antipolo, lalawigan ng Rizal.

Binentahan ng mga suspek ng isang pirasong nakataling supot na plastik na naglalaman ng hinihinalang shabu kapalit ng buy bust money ang isang operatiba na nagpanggap na poseur buyer. 

Nakompiska mula kina Abarca at Reyes ang tinatayang 10 gramo ng shabu na may kabuuang halagang P680,000, mga baril at mga bala, cellphone, isang itim na Toyota Vios, at buy bust money.

Sa ulat mula kay Bulacan police director P/Col. Lawrence Cajipe, lumilitaw sa imbestiagsyon na ang dalawang suspek ay konektado sa isang Jay Leon na kasalukuyang nakakulong sa Bilibid.

Napag-alamang kahit nakakulong si alyas Jay Leon ay patuloy niyang napatatakbo ang illegal drug operations sa pamamagitan ni Abraca na isang convicted drug peddler ngunit pansamantalang nakalaya dahil sa ‘plea bargaining.’

Nasa kustodiya ng PNP DEG, SOU-4B ang dalawang suspek na nakatakdang kasuhan ng paglabag sa Republic Act 9165 o Comprehensive Dangerous Drugs Act of 2002.

Patuloy pang inaalam ng mga awtoridad kung paanong nakapagpuslit ng ilegal na droga ang grupo ni Jay Leon sa Bilibid. (MICKA BAUTISTA)

About Hataw Tabloid

Check Also

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …

Mr Freeze Gerry Santos Ivy Ataya Joyce Selga

Mr Freeze BFF ng mga sikat sa showbiz

NAALIW kami kay Mr Gerry Santos aka Mr Freeze sa mediacon ng kanyang Negosyo Goals show sa AllTV na napapanood tuwing Linggo, 11:30 a.m.. Matatawag …

electricity meralco

Karapatan ng consumer mangingibabaw kontra prangkisa

IGINIIT ni Puwersa ng Bayaning Atleta partylist Rep. Margarita Nograles, ang kapakanan ng mga residente …

Bulacan Police PNP

Kampanya kontra krimen sa Bulacan
11 tulak, 2 wanted, 2 sugarol timbog

SUNOD-SUNOD na pinagdadampot ang 11 hinihinalang drug dealer, siyam na pinaghahanap ng batas, at dalawang …

Derek Ramsay Mr Freeze Gerry Santos

Mr Freeze pinatunayang ayaw na ni Derek sa showbiz: Enjoy siya sa pagiging family man

KINOMPIRMA ng kaibigan ni Derek Ramsay na si Mr Freeze Gerry Santos na ayaw na talaga ng aktor ang …

Leave a Reply