Trabahador napisak sa pison (Sa Agusan del Norte)

BUTUAN CITY – Hindi umabot nang buhay ang isang trabahador makaraan magulungan ng pison habang nagtatrabaho sa national highway sa Ohida Avenue, Cabadbaran City, lalawigan ng Agusan Del Norte kamakalawa.

Ayon kay SPO2 Noel Gorinca ng Cabadbaran City Police Station, imbestigador ng kaso, nag-overtime sa pag-aspalto ng nasabing highway ang mga trabahador at nagsisilbing right man ang biktimang si Joel Contreras, 34, residente ng Purok-6, Brgy. Bonbon ng lungsod ng Butuan.

Habang minamanmanan ng biktima ang mga motoristang dumaraan, hindi niya namalayan ang paatras na pison at tuluyang nasagasaan at namatay.

Tiniyak ng may-ari ng construction firm, kanilang bibigyan ng kaukulang tulong ang pamilya ng biktima.