‘Di pinagbigyan ng dyowa sa sex, bouncer nagbigti

KALIBO, AKLAN – Nagbigti ang isang 32-anyos lalaki makaraan hindi pagbigyan ng kanyang live-in partner na sila ay magtalik sa Brgy. Nagusta, Nabas, Aklan kamakalawa.

Patay na nang makarating sa Aklan Provincial Hospital ang biktimang si Joseph Baladjay, isang bouncer, at residente ng nasabing lugar.

Ayon sa live-in partner ng biktima na si alyas Lara, bago nangyari ang insidente ay nag-inoman silang dalawa.

Pagkaraan ay bigla aniya siyang kinalabit ng mister at niyaya na sila ay mag-sex.

Ngunit tinanggihan niya dahil sa sobrang pagod at sakit ng katawan.

Dahil dito, biglang kumuha ng lubid ang biktima at nagkulong sa kanilang kuwarto, ngunit binalewala lamang niya.

Ngunit nang katukin niya ay hindi binubuksan ng asawa ang pinto kaya humingi siya ng tulong sa kapatid ng biktima at nang mabuksan ay tumambad sa kanila ang nakabigting si Baladjay.

Sinasabing tatlong beses sa isang araw kung magtalik ang mag-asawa.