Sarangani inmates nagtangkang mag-boycott

GENERAL SANTOS CITY- Napigilan ang tangkang boycott ng mga preso sa Sarangani Provincial Jail sa Baluntay, Alabel Sarangani province.

Ayon kay Provincial Jail Warden Manuel Sales Jr., ilang inmates ang nagtampo at umalma dahil hindi maaaring bumoto sa local positions.

Karamihan sa kanila ay nais sanang bumoto sa mga kandidato na  tumulong sa kanila.

Sinabi ni Sales, sumusunod lamang sila sa DILG order na kanilang natanggap na tanging national positions lamang ang maaaring iboto ng mga bilanggo.

Aniya, napakiusapan niya ang inmates na bumoto pa rin sa kabila ng nasabing kautusan upang hindi masayang ang kanilang boto.

Samantala, inihayag niya na ilang lumaya na ang bumalik sa bilangguan upang bumoto.

Sa talaan, nasa 369 ang mga botante sa naturang kulungan.