HATAW! D'yaryo ng Bayan hatawtabloid.com
MA at PA
ni Rommel Placente
MAY isa pang post si Xian Gaza na idinaan sa blind item. Pero obvious naman na ang tinutukoy niya ay sina Ellen Adarna, John Llod Cruz, at Derek Ramsay.
Post ni Xian, “Si JL hindi niya pinakasalan kasi wala siyang mapapala. Ang makukuha lang niya ay kalahati ng lupa sa paso at limang banig ng Biogesic.
“Pero etong isa, pinakasalan niya agad-agad after a few months of relationship. Pinagplanuhan. Mautak.”
Siyempre pa, nang makarating ito kay Ellen, ay nag-react siya sa pamamagitan ng kanyang IG Story.
Dito ay nabanggit ni Ellen ang dahilan kung bakit hindi nauwi sa kasal ang relasyon nila ni John Lloyd.
Taliwas ito sa sinasabi ni Gaza na walang ari-arian ang aktor na maaaring makuha ni Ellen.
Post ni Ellen, “Daming nag-tag. Kailangan ko na ng Biogesic.
“Paano ko naman pakasalan, eh, hindi naman nag-propose?”
Dugtong pa ni Ellen, hindi dapat iniismol ang kakayahan at yaman ni John Lloyd.
“And huwag mong ismolin si Biogesic, because simple lang siya. Ikaw you don’t know, but ang assets noon, I know! You know?”
“At kung maki-marites na rin lang, at least get everything right, like everything.
“Mahirap naman sabihin na unreliable source, and I’m a liar.”
