Coco puring-puri pag-aasikaso ni Julia mula pagkagising hanggang pag-uwi

MA at PA
ni Rommel Placente

IBINANDERA ni  Coco Martin saofficial YouTube account niya ang ilang detalye sa pagsasama nila ni Julia Montes.

Sabi ni Coco, “Isa rin siguro sa mga sikreto namin kung bakit kami tumagal, sabi ko nga, pribado kasi kami talaga eh, napaka-private namin as a partner at  bilang tao rin. 

“Sabi ko nga, kung ano man ‘yung ikinukuwento namin, ikinukuwento na lang namin kasi past na. Alam mo ‘yung masarap na lang balikan.”

Pagpapatuloy ng Teleserye King, “Sa amin naman ngayon, ganoon din. In all aspects talaga, si Juls lahat ang nag-aasikaso sa akin. Siya nag-aalaga sa akin. 

“Mula pagkagising hanggang pagkauwi ko, sa lahat ng kakainin ko, sa lahat ng mga damit na isusuot ko, siya talaga, siya lahat nag-aayos,” pagmamalaki pa ni Coco kay Julia.

“Kaya masarap ‘yung partnership namin dahil higit sa pagiging magkaibigan, magkarelasyon, business partners, talagang pinagtibay namin ‘yung relasyon namin. 

“Sabi ko nga, wala namang ibang magtutulungan kung hindi kami,” sabi pa niya.