Rayver nilinaw ‘di pa engage kay Julie Anne

MA at PA
ni Rommel Placente

NILINAW ni Rayver Cruz, sa isang panayam nang mag-guest  sa GameZone, isa sa malaking sponsor sa Aurora Music Festival, ang ukol sa nababalitang engage na sila ng long-time girlfriend  na si Julie Anne San Jose.

Sabi ni Rayver, “Hindi pa. Wala pa. Manggagaling naman sa amin ‘yun if ever. Wala pa po talaga.”

Sinisiguro naman ni Rayver na si Julie Ann na nga ang gusto niyang maging misis at makasama habambuhay.

Samantala, may punching machine challenge sa festival na nagtala si Manny Pacquiao, ang bagong endorser ng GameZone ng score na 792.

Pero  tinalo siya ni Rayver, huh! Nang mag-punch siya, ang score niya ay 859.

Pero siyempre, for fun lang ‘yan (arcade punching machine), hindi actual boxing power comparison. 

Sey nga ni Rayver, “nakatutuwa naman na kahit sa ganitong klase ng competition ay na-beat ko ang ating napakasikat na boksingero. Flattered ako dahil na beat ko ang score niya. 

“Pero sa actual na game, wala akong kalaban-laban sa nag-iisang Manny Pacquiao. Idol natin ‘yan at ipinagmamalaki ng ating bansa. A Proud Pinoy Manny Pacquiao.”