Friday , March 29 2024
shabu

Mag-utol na tulak tiklo P20,000 shabu nasabat

ARESTADO ang magkapatid na suspek habang nasamsam mula sa kanila ang P20,000 halaga ng hinihinalang shabu sa ikinasang anti-illegal drugs buy bust operation ng mga awtoridad nitong Linggo ng gabi, 21 Agosto, sa lungsod ng Calamba, lalawigan ng Laguna.

Kinilala ni P/Col. Cecilio Ison, Jr., ang mga suspek na sina Jake Bustamante, 27 anyos, walang trabaho; at Ivan Bustamante, 26 anyos, warehouseman, kapwa residente sa Brgy. Parian, sa nabanggit na lungsod.

Sa ulat ng Calamba CPS, dinakip ang mga suspek dakong 9:41 pm kamakalawa sa Villa Carpio, sa naturang barangay, kaugnay ng ikinasang buy bust operation ng pulisya.

Nakompiska mula sa mga suspek ang limang sachet ng hinihinalang shabu, may timbang na tatlong gramo at tinatayang nagkakahalaga ng P20,400; isang pirasong playing card case; drug money; at buy bust money.

Kasalukuyang nasa kustodiya ng Calamba CPS ang mga naarestong suspek at nakatakdang sampahan ng kasong paglabag sa RA 9165 o Comprehensive Dangerous Drug Act of 2002 habang isusumite ang mga nasamsam na ebidensiya sa Regional Crime Laboratory Office 4A para sa forensic examination.

Ayon sa ulat, kilala ang mga naarestong suspek na pinagmulan ng shabu sa Brgy. Parian at mga kalapit na Barangay.

Pahayag ni P/Col. Ison, “Hinihimok ko ang mga tao na aktibong lumahok sa ating kampanya laban sa ilegal na droga upang mailigtas ang kanilang mga pamilya sa mga krimen na maaaring gawin ng mga drug personalities.”

Ani P/BGen. Jose Melencio Nartatez, Jr., “Pinupuri ko ang Calamba CPS para sa operasyong ito. Patuloy nating paigtingin ang ating anti-illegal drug operations para makontrol ang paglaganap ng mga mapanganib na droga sa ating area of ​​responsibility.” (BOY PALATINO)

About Boy Palatino

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …