Tuesday , September 27 2022
Jane de Leon Darna

Sa paglipad ni Darna sa Agosto 15
JANE KINAKABAHAN AT EXCITED

MA at PA
ni Rommel Placente

FINALLY, sa August 15 ay mapapanood na sa Kapamilya channel A2Z at TV5 ang bagong action/fantaserye ng ABS-CBN na Darna, na bida si Jane de Leon

Sa grand media conference ng Darna, tinanong si Jane kung anong feeling na lilipad na sa telebisyon si Darna? Sagot niya, “Sobrang nakaka-overwhelm, kinakabahan po ako pero excited ako.  And ito na po ‘yung pagkakataon namin para ipakita sa buong mundo ‘yung pinaghirapan ng production, lahat ng cast, mapa-staff and  directors.”

Patuloy niya, “And siyempre, matagal na po itong hinintay ng sambayanang Filipino. And marami po kayong aabangan pagdating sa stunts, sa costume, sa mga villain, at sa bagong story ng Darna.”

Si Darna ay kilala bilang maraming natutulungan. In real life, sino ang naging Darna sa buhay niya?

“Ang naging Darna po sa buhay ko ay ‘yung mga magulang ko po, si mama at si papa. Kasi simula po noong una, hindi naman po talaga kami ganoon kayaman at lumaki po ako sa hirap. Nakita ko po ‘yung sakripisyo ng mga magulang ko kung paano niya pinalaki ‘yung kanilang mga anak.”

Sa rami ng nag-audition para makuha ang role na Darna, si Jane ang napili. Kaya siyempre, masayang-masaya siya. Pero never siyang nagyabang o naging mayabang, na sa kanya ipinagkatiwala ang iconic role.

“Una po talaga sa lahat, lagi ko po talagang nire-remind ‘yung sarili ko na huwag na huwag po talagang lalaki ‘yung ulo ko. Dapat po talaga stay humble lang kasi nire-remind ko po ‘yung sarili ko kung saan ba talaga ako galing, kung ano ‘yung pinagdaanan ko.

“And for me, gagampanan ko lang naman ‘yung isang role basta ‘yun nga po stay humble at ipagpatuloy ko lang kung ano ang kailangan kong gawin.”

Puring-puri ng management ng ABS-CBN si Jane, dahil wala itong angal sa lahat ng ipinagagawa sa kanya. At ang reaction ni Jane, “Thank you po sa good words na sinasabi nila sa akin. And wala rin naman pong mangyayari kung magku-complain ako, so might as well, gawin ko na lang po, o ibigay ang the best ko sa bawat eksena ko sa Darna.”

Ang Darna ay mula sa direksiyon nina Chito Rono, Avel Sungpongco, at Benedict Mique. Bukod kay Jane, kasama sa cast sina Joshua Garcia, Janella Salvador bilang si Valentina, Zaijan Jaranilla bilang si Ding, LA Santos, Young JV, Iza Calzado, Rio Locin, Jeffrey Santos, Eric Fructuoso at marami pang iba.

About Rommel Placente

Check Also

BingoPlus Day 2

Ogie, Maine, Morisette may bonggang pasabog sa Sabado!

WAGING-WAGI ang bonggang pasabog ng BingoPlus Day 2 na pangungunahan ni Ogie Diaz, kasama ang mga special guest …

Njel de Mesa The Miranda Bomb

Direk Njel de Mesa, pasabog ang short film na The Miranda Bomb               

ALAM MO NA!ni Nonie Nicasio SA panahon na nagkalat ang fake news, maraming mapupulot ang …

Wilbert Ross Debbie Garcia, Rose Van Ginkel, Ava Mendez, Angela Morena, Jela Cuenca GB Sampedro

Wilbert Ross, tinuhog ang limang Vivamax stars sa pelikulang 5 in 1

ALAM MO NA!ni Nonie Nicasio “FEELING ko, ako iyong pinakamagandang lalaki sa buong mundo ngayon, …

Jane de Leon Darna

Jane napikon sa bintang na ‘di bagay mag-Darna

NAPIPIKON na pala si Jane de Leon sa mga basher/detractors niya na nagsasabi na hindi siya bagay …

Gladys Reyes Moments Net25

Gladys haligi na ng Net 25, Moments 16 taon na

I-FLEXni Jun Nardo HALIGI na ring maituturing si Gladys Reyes sa Net25. Aba, ang talk show niyang Moments ay 16 …